Train dheere dheere station par aa kar rukti hai… brakes ki halki si sound… aur phir ek ajeeb sa sannata. Na bheed, na awaaz, na chai walon ki pukaar… bas thandi hawa… aur kuch tube lights jo kabhi jalti, kabhi bujh si rahi hoti hain.Nishit apna bag uthata hai… ek halki si muskaan abhi bhi uske lips par hoti hai. Uske dimaag me abhi bhi wahi chal raha hota hai...Kuhu ka chehra, uski hasi, uski awaaz… wo train se neeche utarta hai, platform par pair rakhte hi ek second ke liye rukta hai… jaise kisi sapne se reality me aaya ho.

Nishit: Finally… 🥹bas ab kuch hi rasta… aur main tumhare paas, Kuhu…